Category: Alea poema baztertuak
Alea (eta V)
PAU CLARIS
Dena ilun dago urri hasieran. Ganbara hartako giroarekin akordatu da bat-batean eskuak abriguko poltsikoen babesean zituela. Espantuzko gertaerak jazotzen dira karrika honetan; XIX. mendeko etxe batetik bandera bat zintzilikatu dutela entzun ahal izan da irratian. Eta liburu batzuk erostera joan da; alemaniarrak, eslaboak, poesiazkoak. Lagun zahar batekin egin du topo baina ez dute jakin izan elkarri ezer benazkorik esaten: “Com ets?” “Molt bé, molt bé, bé…” Berriro pentsatu beharko luke zer egin, oker egoteko arriskua kalkulatu du. Baina kontua dirudien baina zailagoa da benetan. Non geratu ziren polaroidak? galdetu zuen whisky gau batez. Eta gero, mundu garaikidea, postmodernitatearen malura, “txontxongiloak gara”. Zer? Ziggyrekin joan nahiko luke bere heriotza nolakoa den galdetzera. Sistema, egitura. Substantzia bila sartu da taberna batean, bere zorabioa ez galtzeko, ez erortzeko betiko. Erabilpen zehatz gabeko objektuak daude pilatuta terrazan: eskoba apurtuak, errubera gabeko bizikleta, egurrezko aulki zahar plegatuak. Ilearen koloreari so egin dio ispiluaren aurrean, eta gero, iturria ireki eta aurpegia freskatu du bizitasunik gabe. Bere belaunaldiaren erretretatu bat marraztu du sukaldean paper solte batean. Arkatzak ez zuen puntarik apenas eta papera zarratatu du egurrarekin. Eta hozkia sentitu du Laurak bekainetako makillajea busti egin aurretik; baina musika muga trinkoenak igarotzeko gai da. Azkenerako laguntasuna higuina baina okerragoa dela ohartzen denean… Finean, bideak ez dira hain ugariak, denak elkar gurutzatzen dira. Soka tenkatu bat sabaian-atzerako kontaketa bat imajinatu du -numeroak gorriz- pantaila batean-. Mickie Mouse leihotik jausi da diskrezioz. Asmo oneko jendea existitzen zela pentsatzen zuen garaiekin akordatu da izotzak atera bitartean. “Bakoitzak gogoak ematen diona egin behar du, ez zaitez arduratu horregatik. Joan daitezela pikutara guraso guztiak” Ibizako oroitzapenak. Telefono dei bat egin eta Manchesterrera joatea pentsatzen ari da.
Alea (IV)
GURUTZAKETAK
Garbitzaileak desordutan ailegatzen dira etxera,
Gaua ilun egoten da eta ez dago arrazoi garbirik
Etxekoak esnatzeko (ez dituztenek ezta ere).
Adeitasunaren izenean ere ez. Eta haiek, funtzionarioak,
Naturaren aldartea bezain iraunkor, betiko
Azturak errepikatzen dituzte alai, esan daiteke. Nik
Horregatik aipatu nuen teknologia, izan ere, gizartea
Ez nuen zalantzan jartzen, uste nuen denok dugula
Hastapen komun bat, esan nahi baita, oinarri
Eztabaidaezin batzuk. Baina ez. Klima dela,
Aisialdi zaletasunak, langabezia dela. Eta orduan,
Pentsakor begiratzen nauzu (begiratu) eta alde
Egiten dut, globo zulatu bat bezala.
-Orain hamaika gauza aldarrika
Nitzake, leporatu, pesimismoari atxiki. Atea itxi eta
Beste istorio bat hasten da, bere hasierarekin,
Bukaerarekin, antza. Hala ere, garbitzaileak
Zortzietan irtengo dira euren etxeetatik, protokoloak
Beteta (orain bai; besteek ez, zer egingo zaio),
Funtzionarioekin gurutzatuko dira. Jose, zehazki,
Zebrabidean gurutzatuko da, Maria okindegian
Ikusiko dut. Zer egiten duzu hemen? Adibidez.
Gogoak ematen didana, zer iruditzen? Egia esan,
Galtzak jasotzera joan beharko nintzateke (aspaldi,
Lagun, aspaldi), eta bide batez, enkargu batzuk
Egiteko aprobetxatu. Ekonomikoak eta sozialak.
Harriduraz begiratzen ditut parkeko agureak, ez da
Nobedadea. Datorren aste arte ez dugula euri
Arrastorik sentituko, ez bagara mudatzen, ez esateagatik
Gauza okerrago bat. Baina, tira, ezkerrera jo beharrean
Aurrea jarraitu dut.
Alea (III)
PLURALA 3
!
astiro ihes eman duzu goia
dari jan garai modernoak
zineman bakarrik geratu dira
sosegatzen da egungo
eleberrigintza horia gurutzea es Tombé
EUSKALTZAINDIA
Caution ere erera aruaren
TUNKAXILA tanka
hainbeste ari garen
bronwyn galdara
ezer ere tolesturak ez
jesus ni naiz
kristo kristal, kris
gola tanto eta gutxiago
klabikordio konpontzaileak datoz
datoz
¡ isila
negua dato
ipotx ezkertiarrak so on
sute kela noa
zirkotan jabe
gabe gaude
nahasi zera bat
zarata hots
zapaldu egon zure ría
vuelve y vuelve
ikur lao ni (a
ste)a ak ak AK
nola galde
Alea (II)
R.B
Iritsi ginen berandu
mende berri
baten afixa laundry eta ing
halabeharra desio oinazea lau
kabi ez da mendi bat ezkutuko
D
Non zaude É
elurra C egiten du egunero
astoak Aziren
L berriz
sekulakoak nola A egin
norbere buruaz G beste armarik gabe
hitza eta hitzak E
heroina erretzen dugu orain ama andre andrea andré
baina eTSI
baino lehen
incorporated
designs and manufactures
tinta benenoa bada gure begientzako
zer edango dugun aurrerantzean
literatura bizitza bezala
precision instruments used to measure flow
ningú-n- pájarocell canta YA
orain
unibertsitatea fikzioa
Ba (y) ona
egidazu zeinu bat eskatu zuen
euskal presoak gose greban
PUNKTUM
e1 r1 (e2 r2 c) ¿
n heriotza ez da existitzen
gaua
da
Alea (I)
Alea poema liburua idatzi nuenean azkenean argitaratu ziren poemak baino gutxi batzuk gehiago zeuden hasierako egitasmoan. Ahaztuak nituen poema horiek baina zenbait urteren ondoren muturren aurrean egokitu zaizkit kasualitatez eta kasik nireak ez balira bezala irakurri ditut, apur bat harrituta egia esan. Azkenean ez ziren argitaratu, bada, baina oraintxe ez dakit ongi zergatik. Ez dira asko (dozena erdi bat-edo) baina datozen asteburutan hemen publikatzen joango naiz, ordenagailuan bythautsa pilatzen egotea baino hobe izango delakoan.
Lehenengoa sarrerako poema izatekoa zen, poesiaren historian sarritan egin izan den moduan irakurleari zuzendutako poema bat. Zoritxarrez, blogak ez dit uzten originalaren espazio-antolaera mantentzen, poema hau Aleako lehenengo atalako poemaren gisara emana baitzegoen.
IRAKURLEARI
errespetu apur
bat eduki arren irakurleari
johnnyk kakauete bat hartu duela
entzun
eta hau zer da broma
(2)BAT
ezin dira beti
beldur izan
nahi duzuna da eskatzen dudan bakarra
bosgarrena-ren “Giza eskubideak” non dira
hau zer da txiste
3 )izan)
negar egin negar
barre poesia
iruzur bat da eta baita zera ere (bizitza?)
konsidera ZIO
A(k) e.t.a-n/k feminismo aurrerakoi\yeah
Oh:arra poemOhk
edozein ordenatan irakur daitezke
(edo bestela)
letra makurtuari jarraitu arren mila esker